維記咖啡粉麵

豬潤牛肉麵

難得出外工作路經深水埗，麻甩佬一個當然要去食返個潤牛麵，三間老店並排，平日等都唔駛等就有位唔似得周末人山人海。
正所謂百年老店，由細細個老豆帶黎食到而家自己識走黎食，水準確實係保持得好好。唔係話碗面係咩山珍海味，但就係簡單一碗面配個湯底就足夠令黎到既人食得好滿足咁走，繼續工作繼續生活。
試過帶初識既女朋友黎食，感覺總係有啲格格不入。
黎深水埗行黃金，食潤牛面，由老豆到我，由我到第時既仔女，感覺上係一種傳承，一種男人既味道。值得係度停一停，細味下人生，嘆埋杯凍啡，叉足電，又繼續工作了。