影片
更多
2022-06-10
104 浏览
嚟到北角見到呢間台式便當好受歡迎，午市嘅時候就同朋友去試吓，午市套餐都係$60至$65，送一杯嘢飲，或以半價選購其他飲品，一場嚟到冇理由唔飲珍珠奶茶嘅！便當真係中間質素啊，但嘢飲唔知點解走甜都係好甜😂🍴 古早味滷排骨便當 $65 (7/10)個份量真係好足，排骨同埋便當嘅飯量都好多，排骨即叫即炸好香脆，係真係有骨嘅，但略嫌排骨嘅肉質太薄身，食唔到口感，好似食皮多個食個肉，但都炸得唔算乾身同埋好香鹽酥嘅味道。(朋友食嘅鹽酥雞會好少少，但都比較乾身啲)便當用咗珍珠米，粒粒煙靭分明，唔會煮得太熟太乾，配料都好豐富，有滷肉，台式香腸，半粒花枝丸，半個滷蛋，兩舊西蘭花同埋黃色嘅酸蘿蔔，滷肉係正宗嘅台式滷肉，有酥油蔥的和味，甜甜地，仲要係五花肉好香亦都唔會太肥膩！但滷肉汁同滷肉太少，唔係好夠撈飯🤣台式香腸花枝丸滷蛋正正常常，整體來講都係算中上，OK的。🧋胚牙珍珠烏龍奶茶 +$14 (午市套餐正價飲品半價) 走冰走甜 (4/10)本來係要胚牙烏龍奶茶，但店舖落多咗珍珠，員工都好有禮貌問我介唔介意嘅，咁覺得反正整咗走啦唔好浪費😂😂明明叫咗走甜唔知點解飲六個奶茶都係偏甜，冇乜茶味，飲唔出係烏龍同埋鮮奶去
🍴 古早味滷排骨便當 $65 (7/10)
個份量真係好足，排骨同埋便當嘅飯量都好多，排骨即叫即炸好香脆，係真係有骨嘅，但略嫌排骨嘅肉質太薄身，食唔到口感，好似食皮多個食個肉，但都炸得唔算乾身同埋好香鹽酥嘅味道。(朋友食嘅鹽酥雞會好少少，但都比較乾身啲)
便當用咗珍珠米，粒粒煙靭分明，唔會煮得太熟太乾，配料都好豐富，有滷肉，台式香腸，半粒花枝丸，半個滷蛋，兩舊西蘭花同埋黃色嘅酸蘿蔔，滷肉係正宗嘅台式滷肉，有酥油蔥的和味，甜甜地，仲要係五花肉好香亦都唔會太肥膩！但滷肉汁同滷肉太少，唔係好夠撈飯🤣台式香腸花枝丸滷蛋正正常常，整體來講都係算中上，OK的。
🧋胚牙珍珠烏龍奶茶 +$14 (午市套餐正價飲品半價) 走冰走甜 (4/10)
本來係要胚牙烏龍奶茶，但店舖落多咗珍珠，員工都好有禮貌問我介唔介意嘅，咁覺得反正整咗走啦唔好浪費😂😂明明叫咗走甜唔知點解飲六個奶茶都係偏甜，冇乜茶味，飲唔出係烏龍同埋鮮奶去整嘅，冇上網講到咁誇張，冇好香濃茶味又唔甜，但配料真係好多，珍珠都煙靭唔會太淋有口感，胚牙正常，可能叫返茶飲會好少少。
推薦指數: 7/10
店員都好有禮貌，都覺得小店好認真去經營，希望飲品方面改善返，同埋排骨可以唔好咁薄，個價錢都唔算好貴，中午來講OK的，都會考慮再去食！
张贴
