又食我其中一樣最鍾意食嘅嘢打邊爐喇。今晚近近地去咗北角金樂軒雞煲魚鍋。
朋友超鍾意食藥膳，就叫咗個藥膳牛腩鍋（$268）。估唔到有驚喜，首先牛腩炆得好夠時間，好易咬開。另外佢用咗好多藥材去煲呢個牛腩，藥膳味非常濃郁。佢仲加咗好多鮮淮山落去個鍋度，對脾胃好。係養生嘅好選擇。食完呢個鍋飲完湯之後，職員會幫我哋加湯就可以打邊爐喇，佢依家火鍋配料仲做緊六折優惠，好抵。
鮮墨魚滑（原價$78）：必食！鮮味非常。入邊嘅墨魚粒有咬口。
安格斯牛頸脊（原價$288）：口感淋滑，牛味濃郁
細白鱔片（原價$128）：鱔片新鮮，口感爽彈，份量足
鴨血（原價$48）：鴨血配火鍋一絕。
另外我哋再嗌咗一罐加多寶同埋凍檸茶，透心涼
3
3
