晚餐消費$200 +$1 可以點是日精選
呢晚係星期五，雞絲粉皮🥢
$1幾大碟。粉皮夠凍夠滑身，雞絲青瓜都多食麻醬杰身芝麻味幾香，加埋爽口青瓜絲，簡單得嚟又醒胃！
• 妙齡乳鴿
乳鴿燒得香口，皮脆肉嫩啖啖肉，淡淡滷香，非常Juicy，性價比高
• 鮑魚雞煲
鍋內鮑魚煙煙韌韌，雞件腍滑入味，滷汁夠惹味，分量多。
• 腌篤鮮
上海特色老湯，材料足。
鹹肉、筍角、百頁結、青菜，入口清甜，有少少鹹香層次分明，湯底厚實。
• 小籠包
每籠四粒，皮薄餡多，湯汁豐富但唔會穿皮，啖啖肉香。
• 高力豆沙
可以每件點，二人一件剛好！
蛋白外殼酥脆、內餡豆沙香蕉甜而不膩。
• 紅棗心太軟
上海名點，
紅棗中間夾住Q軟糯米糰，棗香中帶米香嚼勁。紅棗糖漿甜度剛好，好有古早風味。
整體食物水準保持得好，份量足夠，價錢合理，多款菜式都值得試！
