🐷🍱那個滷排骨便當 ($68)
滷排骨真係勁大，唔係講笑可能真係大過我塊面🤣 排骨炸到好酥脆，咬落唔乾仲有肉汁，滷汁甜甜地，整體嚟講係幾不錯～不過有一舊都頗肥大部分都係肥膏🙈 排骨下面有3款是日配菜同飯，我揀咗少飯但都係覺得份量有啲多食唔曬🙈
鹽酥甜不辣 (跟餐+$12)
甜不辣幾煙韌，配埋個甜酸醬食就冇咁油膩～
🧋那個濃厚奶茶 (跟餐+$9, 波霸 +$5)
波霸口感係我鍾意有咬口嘅，飲落茶味好濃但唔係好飲到奶味，有啲失望😟
之前有好多朋友去過大角咀分店食完都讚不絕口，可能我期望真係好高所以食完覺得係好食但冇佢哋講到咁誇張🫣 如果我喺附近經過見到冇人排隊可能會再食，但如果特登再過嚟或排隊應該就未必了～
