康熙花膠雞湯鍋
湯底一上枱已經聞到濃濃嘅雞湯香氣，入口順滑，花膠炆得夠腍，仲帶有淡淡嘅藥材味，飲落暖胃又滋補，感覺好養生。
順治特色卜卜蜆鍋
蜆肉鮮甜，湯底清而不淡，每啖都充滿海鮮嘅精華，令人停唔到口。
黃金響鈴
外層炸得金黃香脆，咬落去係秘製鹹蛋黃醬嘅濃郁香味，鹹香得來唔會過膩，配搭湯底一流。
貴妃出浴 手切本地牛肉
牛肉先浸牛奶10秒，食落去真係嫩滑無比，入口即化，牛味濃郁，沾少少湯底嘅鮮味，簡直係完美。
手打黃金流心鮮蝦丸
每粒都非常彈牙，咬開仲有流心效果，蝦肉鮮甜，令人回味。
滾得起餃子拼盤
韭菜豬肉餃香氣撲鼻，韭菜同豬肉嘅比例啱啱好；馬蹄冬菇豬肉餃食落爽脆，冬菇嘅香味好突出；芋泥豬肉餃入口軟糯，芋頭嘅甜味同豬肉好match；和牛芝士一口餃好有驚喜，芝士同和牛嘅濃香一齊爆發，超滿足；新鮮菜苗帶子餃就帶點清新，帶子嘅鮮甜好搶眼。
滾得起豐盛雜菜拼盤
蔬菜吸晒湯底嘅味道，健康又好食。
足料竹蔗茅根
清甜解渴，仲有淡淡嘅草本香氣，飲完一身舒暢，完美平衡火鍋嘅濃味。
