凱逸餐室

营业中

休息中

最近佛誕連五一假期有四日假，所以就帶咗媽咪出去元朗行街兼食夜晚飯。因為媽咪唔想食日本嘢同西餐，所以就食中餐。呢間凱逸餐室見到都好企理，而且有煲仔飯食，所以就入去試一試。佢入邊都非常之闊落，而且防疫措施都做得好足，所以食得好安心。我哋叫咗個北菇雞煲仔飯，味道都相當唔錯，雞肉好嫩滑而且仲有少少飯焦，好香口。如果冬天食就更加好食啦。最值得一讚嘅係佢嘅例湯，係青紅蘿蔔湯，估唔到幾足料同好鮮味。媽咪都讚好飲。另外我仲叫咗沙拉骨，炸得非常鬆脆，而且加埋沙律醬當係一個小食咁食，幾惹味。最後買單兩個人先$170，除開先70幾蚊一個人，有湯有飯，呢個價錢都算抵食。