常聚

常聚，位於西營盤，裝修簡潔，好多卡位坐，都算幾舒服😌主打茶記常餐、港式美食、小炒、蒸魚，黎到既時候居然要等位😇好似都幾受歡迎👍🏻晚晚都有唔同嘅晚餐同埋蒸魚，相當吸引🥢

韭黃蝦仁炒蛋，賣相一流😎啲蛋望上去已經覺得滑溜，好多蛋汁，食落味道非常好🤤有驚喜嘅小炒，蝦仁肯定係鮮蝦，爽身彈牙，配埋蛋汁食一流👍🏻老干媽四季豆炒牛肉，上枱非常之香，老乾媽冇想像中咁辣，但都好惹味😳炒到條條都好香口，相當有鑊氣嘅小菜🔥

韭黃蝦仁炒蛋

蝦仁炒蛋

老干媽四季豆炒牛肉

老干媽四季豆炒牛肉

酸菜魚🐟好大碗，金湯好好味😋唔會油充滿麻香，魚片好滑溜，啖啖肉無骨😗配菜都好味，仲有紅薯粉做底，正👍🏻相當高質嘅#酸菜魚，配枝烏蘇冇得輸🍻就係爽，仲要每日都有糖水送，有好幾款：雪耳糖水、西米露等，今日係腐竹蛋糖水，唔太甜飲落好舒服💕

酸菜魚

紅薯粉

腐竹蛋糖水

以為係普通街坊茶餐廳，但係小炒同食物質素都非常之好🥇老細推介幾款招牌小炒都非常之高質🥳抵佢平日都排隊