勝利餐廳小廚

营业中

休息中

呢度環境係一般普通茶餐廳，裝修乏善足陳。菜乾煲豬肺湯好夠熱，但係唔多夠味，好淡口，麻麻哋，好處係無味精！京都豬扒飯(碟頭飯)好夠熱，應該係即叫即整 ，味道尚可，但唔可以叫做突出。梅菜蒸魚魚腩(小菜)一樣似係即叫即蒸，好夠熱，因為魚肉唔夠結實，所以覺得唔算好新鮮，但整體上味道還好，份量亦足。熱奶茶相當夠熱，茶味差少小，不過都算佢啦。紅豆冰唔算大杯，但紅豆味濃，奶嘅份量亦足，算好味 。現場所見，好多一家大細星期日唔喺屋企煮 ,嚟呢度叫幾個小菜一齊食，作為街坊小菜，唔係要求珍饈百味，的確係一個唔錯嘅選擇。