燒肉801 (荃灣廣場)

营业中

休息中

行過荃灣廣場，見到呢間以紅色為主題嘅日式燒肉店非常搶眼，睇睇餐牌唔算太貴，就入去試吓。801盛分別有腹前牛小排，蔥鹽味雞腿肉同大判燒！黑毛和牛肩胛肉，黑色和牛嘅脂肪分佈好均勻，d雪花紋好靚，燒幾秒就食得，配埋蛋汁食落入口即溶，但又唔太油膩，好好食，而牛小排已經用醬汁醃過，唔使點任何醬油都好好味，食落牛味好重，都好淋。雞肉盛分別有九洲雞脛柳，九洲雞心同蔥鹽味雞腿肉，都係第1次食雞脛，原來都幾多肉，食落爽爽地，個質地幾特別，而雞腿肉都好滑，佢地有碟蔥油比我地點，食落都幾惹味，而雞心用黎燒都幾特別，食落好爽口彈牙。三腹盛分別有特上牛胸腹肉，醬油和豚胸腹肉同九洲雞胸腹肉，3重嘅腹肉食落都好淋滑，牛胸腹好淋食落juicy,豚腹肉醃得好好味，食落一d都唔韌，而雞腹肉一d都唔鞋，3重腹肉都好好食。牛舌盛鹽味牛舌，d牛舌燒完之後，好爽口，點埋d燒烤醬油，幾惹味。再可以加38蚊叫個冷麵set,或者加25蚊米飯set,其實都好抵，個冷麵好好食，d麵條勁煙韌，個湯涷涷地，食落好清爽。