13
旺角地鐵站一出嚟 就有姐姐派單張 仲要有折
誤打誤撞又食到好嘢👏🏻
午市嚟食可以食足三個鐘
我12:30嚟到都已經有8成滿
（圖係走果陣走咗一批人影嘅）
我同朋友都唔太食刺身～所以就skip咗
就係見呢度熟食種類繁多 所以唔怕冇嘢食
⭐️磯煮凍鮑魚～見到色水咁深，就知夠晒入味
壽司就點咗蒜香牛油帶子、醬燒左口魚邊
件件bite size 一啖一口，又可以食多幾款都唔怕好快飽
⭐️芝士黃金醬燒開邊蝦
隻蝦勁大隻，仲有拉絲嘅芝士配埋少少沙律醬
⭐️蒸蒜蓉帆立貝～
帆立貝新鮮彈牙～配埋好多蒜蓉勁惹味
⭐️西京燒比目魚
比目魚好滑溜，西京燒汁甜甜地好開胃
⭐️酸菜魚煲
酸菜魚煲好有驚喜～食落好濃味
最正係個薯粉吸晒湯嘅精華
炸乳鴿都好香口！
重點介紹精品榴槤王
燒咗榴槤味更香甜更出 食返勁件即刻回本呀！
飲品櫃同雪糕都好多款式㗎！
