裝修好靚，好有摩登玩味嘅風格。睇完餐牌之後，雖然好多嘢想食，不過都驚自己食唔晒，所以只係叫咗幾款特別想試嘅味道
首先係三款乾身嘅雞翼($69六件)
加州風情
巴馬臣芝士加蒜蓉做調味，冇得輸，佢啲芝士勁香，雞翼炸得好脆，好好味。
黑椒檸檬
呢個比較普通，雞翼用黑椒調味，表面放咗嚿檸檬。
蒙古燒烤
佢落咗孜然粉同埋四川辣椒，呢個比較辣，但係令人會想一食再食，幾開胃。
最後仲叫咗佢哋嘅特製雞翼：金雞($88六隻)係用金粉，大蒜，蒜蓉迷迭香調味，好獨特，比普通乾身嘅調味雞翼，更加好食， 10分推薦。
單食雞翼比較單調，配料我哋加咗炸薯條配黑松露蛋黃醬，都係炸得好脆好好食。
