二鍋頭 (福苑)

营业中

休息中

今晚好友幫我慶祝生日，揀左呢間火鍋，好難得香港有餐廳係無限時‼️可以慢慢傾慢慢聚😌❤️二鍋頭重慶麻辣雞煲（半隻，微辣）因為想試多啲其他款所以淨係揀咗半隻雞微辣幾香幾惹味，又易入口👍 啱晒我呢啲鍾意食辣但係唔係好食得辣嘅人😂雞肉肉質嫩滑❤️冬蔭功清江魚對魚唔熟悉所以問左店員邊款冇咁多骨，佢推介清江魚表面煎到金黃色幾靚👍 魚肉滑得黎結實，重點係真係得啲大骨好方便😁湯底冬陰功口味都幾正宗，有驚喜🙌🏻本身已經配左啲蓮藕同娃娃菜等等，娃娃菜索埋呢個冬蔭功湯好正😋❤️胡椒豬肚雞併清湯豆腐鍋朋友係胡椒豬肚湯lover，係咁稱讚呢個湯好好飲😂火鍋配料就最推介以下幾款：牛板鍵：唔太肥但肉質嫩滑，好有牛味黑椒脆骨丸：表面帶油香，口感彈牙韓式泡菜餃：皮薄餡靚又唔會太辣，夠開胃👍呢度上菜速度都幾快，服務仲一流💯見我周圍望（因為我搵唔到自助調味區喺邊😂）就主動問我有咩幫忙🫶食物質素同選擇同服務都好滿意，值得再黎👍👍