平昌

营业中

休息中

近呢幾年唔少人叫兆萬中心做劣食之塔，所以我都好耐冇嚟食嘢，廢事中伏~ 今日朋友話想試吓呢間，我本身都驚會中伏，不過佢話間餐廳由韓國oppa 主理，加上價錢都幾相宜，又見佢Openrice 都有幾多好評，所以就想試一次雖然我都唔係好想，不過見佢咁想試就陪佢食一次啦，唔會肚痛就得~ 響無抱著任何期望兼有d淆底嘅我，最終都係踏進咗呢個鼎鼎大名嘅劣食之塔~嗰日明明係閑日夜晚七點幾，不過響餐廳門口已經見到座無虛席，好彩我哋得兩位先勉強有枱俾我地~呢個時候我都放心啲，咁多人食應該差極有限~ 好彩食物質素真係唔錯，我哋食嗰個餐雖然大部份嘅肉都係預先用醃料醃咗，味道偏甜，但依然保留到肉味，唔會用粉整到冇晒味~另外都有啲冇醃嘅牛同埋海鮮，質素唔錯，我地都叫咗好幾碟~ 仲有各式各樣嘅前菜同主菜，食完之後我哋兩個都捧腹而回~ 以放題黎講，味道，價錢，食物選擇同上菜速度都令我十分滿意，絕對稱不上劣食~ 大家下次嚟到旺角又諗唔到食咩都不妨試吓!