但都想分享一下這個中伏的自助餐經歷😔。The Market自助餐多年一直都被受歡迎，因為價錢平（我一廂情願），食物又不錯。媽媽常常說想吃魚生，所以就訂了這一家。
結果去到，魚生質量不合媽媽心水。只有三文魚和帶子是比較好，其他都是一般貨色。他們這期做長腳蟹，媽媽又不喜歡。我說算吧，下次還是帶去你去吃你喜歡的大喜屋。而昨晚，自己剛剛病好，很多東西也不能吃。想到這裏的自助餐價格不是很貴就算了，最重要陪媽媽過生日。
張單嚟到，真係嚇一嚇！原來加價加到八百幾蚊一個人（未計加一）！咩話？我以前嚟食$500一個人，幾時加到八百幾？當堂覺得自己好蝕。睇返上網嘅Booking，只係叫你每人比$100訂金，我亦估不到這幾年間會有這麼大幅度的加價。原來係我自己一廂情願以為佢仲係收五百幾蚊一位。🙄
如果比得呢個價錢，我去Grand Hyatt食得啦！自助山都好過佢好多。全晚比較名貴嘅菜式，就係皇帝蟹（每次派兩舊）、鵝肝、榴槤醬、同啲唔新鮮嘅龍蝦。我真係唔明，佢憑乜嘢收人哋呢個價錢？
我成日去Grand Hyatt「 Tiffin 」食自助餐，生蠔任食、頂級鵝肝、靚三文魚、三文魚子、仲有威靈頓牛柳！每人仲有半隻大龍蝦。都係呢個價錢。五星級酒店喎。樓下Cafe都係$1000到，魚生靚好多。
如果同樣價錢「自助山」一定好過「The Market」，但佢又真係好多人去食喎，點解呢？我自己覺得，$500我都會間唔中去幫襯吓，八百幾蚊一定唔會再去啦。佢呢啲質素，AMC $340都好過佢。
我食嘢從來唔睇價錢，但今次真係背脊骨落。你收我這個價錢有給我不到應有的品質，真是買了個教訓。
