原來依家佢哋做緊抗疫價八折優惠，即刻變得抵食咗
呢度嘅火鍋都幾特色，首先我就俾佢嘅湯底吸引，有好幾款都令我心動😍而且佢除咗火鍋配料之外，仲有好多餐前小食選擇，真係花多眼亂，好多都想試😚
呢度麻雀雖小五藏俱全，雖然舖位唔大，不過都擁有個魚缸，我哋叫咗個海鮮盆之後，就見到店員喺呢度撈海鮮，一睇就知新鮮到不得了！
調味盤好繽紛，我就最鍾意佢嘅自家製XO醬，非常足料！
首先叫咗個墨魚油炸鬼，熱辣辣好好味，上面仲放咗好多蟹籽，咁都唔駛$10/件，真係仲平過去酒樓飲茶叫點心！
之前都有食過冰菜，原來可以混入芝麻醬做涼伴，成件事即刻好鬼fresh!
呢個湯底真係要力推，首先佢係會送埋個炸米飯，個飯粒就好似食緊卜卜米咁，然後就加入花膠湯製成湯飯咁食，真係食到停唔到口
同埋佢嘅湯底有好多花膠、仲有鯊魚骨、雞腳、豬手，真係感覺自己補充咗好多骨膠原啊
所以打邊爐之前飲咗3碗原味湯底先肯罷休
我哋揀咗本地嘅牛肉，牛頸脊就出名肉質有口感同好有牛味，比起出面嘅火鍋店，呢個牛嘅份量都好多，我哋兩個人就非常夠食喇！
呢個海鮮拼盤都相當之豐富，有鮑魚、海蝦、元貝、大蜆、同埋仲有隻蟹添！蟹同鮑魚嚟到仲郁緊，真係好新鮮
隻蟹雖然唔係好大，但係就有好多膏，同埋都好有肉，真係好正
埋單每人只係$400幾，就食到啲咁高質素嘅火鍋，呢個價錢絕對係超值啊！疫情過咗我一定會約多啲朋友一齊嚟補補骨膠原
