地點：佐敦白加士街
菜式：上海菜
餐牌：生煎包類、新品推介、菜飯、湯麵、拌麵、蟹粉、小食、涼拌、小籠包、飲品，皇牌套餐。落單掃QR code。
1
糖醋炸排骨 $30
糖醋炸排骨一客10件入口size，炸得外脆內嫩，有豬味，糖醋味夠，味道酸酸甜甜好醒胃，面頭灑上白芝麻粒。
招牌炸雞扒 $28
招牌炸雞扒一開6件連皮，炸得外脆內嫩，肉夠厚，幾好食。
麻醬手撕雞絲粉皮 $50
麻醬手撕雞絲粉皮好大碗。粉皮質素正常。加有大量粗雞絲，雞有雞味，面頭加上白芝麻粒。麻醬超多。同行友人叫左一碗走醬，自己加枱上面醋食，一樣風味十足。
1
豆漿任飲，夠濃厚滑溜，豆味剛好又唔太甜，好解渴。
個人幾鍾意叫一碗健康清爽粉皮加一份小食，夠飽又可以平衡啲，夏天正呀！呢間店位置方便好易搵。
