🔸 黑松露野菌粉果 $20
粉果皮煙靭，皮薄餡靚，晶瑩通透。內裡包住好豐富嘅什菇，菇味香濃。$20有兩隻，性價比高👍
🔸原盅花雕養顏綿花雞 $36
😆好奇驅使下試左呢個好特別嘅點心，花雕味適中，與棉花雞好夾，棉花吸盡精華。
🔸青咖哩雞粒咸水角 $35
咖哩味強烈，😍微辣嘅咸水角第一次食好特別。
🔸箭豬紫薯包 $24
😚可愛嘅造型，體積接近手掌大，內藏綿密紫薯，真材實料！
🔸鴛鴦鮮蝦網米腸 $35
即叫即炸，皮薄透光嘅腸粉皮包裹住香脆米紙，加上爽彈蝦肉😋好有口感。
🔸鮑汁豬手飯 $52
要讚一讚個蒸飯，粒粒分明，加上入口即化嘅豬手，撈飯一流🤤
茶錢每位$10
