🥩 黑松露帶子牛肉漢堡（套餐附薯餅＋汽水）
一開盒已經聞到黑松露香，好吸引。
牛肉漢堡扒煎到表面微焦，內裡仲保持肉汁；帶子大粒又嫩滑，配上黑松露醬同半溶芝士，味道層次豐富但唔會太膩。包體略為煎香，口感比一般漢堡包更有咬口。
🍗 雞扒漢堡
厚切雞扒肉質嫩，帶少少肉汁；醬汁係偏惹味嘅燒烤風味，但整體比黑松露款更清爽。
如果鐘意味道簡單啲、唔想太 heavy，呢款會比較容易入口。
🍗 港式生炸雞髀
即叫即炸，熱辣辣上枱。外皮香脆但唔會過厚，入面嘅雞肉依然保持 juicy，係好多人都會鍾意嗰種「香口但唔太油」嘅炸雞風格。
🥔 薯餅
炸到金黃色，外脆內軟，唔會太油，係非常穩陣嘅配菜。
「懶人包」用創意方式呈現漢堡，味道有心機，份量同價錢都算合理。
啱晒上環返工、想快快手食返餐但又唔想求其嘅朋友。
