八居酒屋 (旺角新城)

营业中

休息中

同老公去旺角行下街，到咗晚飯時候，老公知我喜歡食日本菜，同我去咗新城樓上嘅八居酒屋，餐廳主打刺身、壽司、串燒和燒物。三色刺身丼，用料上乘又新鮮，三文魚肥美而油脂甘香，油甘魚具獨特清爽口感，魚肉細緻幼滑，味道甘甜鮮美。牡丹蝦蝦身細綿帶爽、蝦膏豐腴甘香、蝦味鮮甜濃郁。米飯用咗日本米煮、日本米煮出來香甜飽滿，令丼飯的味道層次鮮明而不油膩。三文魚親子丼，色澤豐富的丼飯上鋪滿新鮮三文魚刺身及三文魚籽，三文魚每口都充斥魚油香氣，魚籽經優質醬油醃製後，鮮味大大提升，魚籽一咬即破，滿滿魚油滲進口中，濃郁的醬油味帶有甜香，絕無腥味，令人一試難忘！三文魚腩壽司：三文魚腩魚味濃郁，油香豐富。帆立貝壽司：帆立貝肉厚，口感爽彈又鮮甜。鹽燒雞翼串：一串有兩隻，雞翼烤至外脆內嫩，椒鹽味道令雞肉更鮮美。日本雞骨腸：師傅選用了新鮮雞骨腸進行炭燒，再用上自家製醬汁調味提鮮，有口感又惹味！