初見

营业中

休息中

餐廳環境非常闊落，雖然餐廳主打石板燒但唔會有太大嘅油煙同油煙味，通風系統都唔差。初見特選蟹皇·刺生丼：店員一放低，眼都突埋！魚生刺生非常足料，份量勁多！好大pat嘅蟹膏，蟹膏食落唔會腥仲好重蟹膏味！海膽仲食到少少海水鹹味，蟹肉一絲絲仲要係粗絲！食到啖啖蟹肉，估唔到竟然仲有兩隻蟹鉗！吞拿魚蓉食到啖啖魚香仲帶有少少魚油！個飯仲有一個特別之處係唔係普通白飯，以係加咗啲紫菜飯素！日式叉燒·豚骨湯拉麵：一開始飲啖湯已經飲到好濃郁嘅豚骨味，叉燒份量都幾多，唔會太肥仲有少少嘅火炙味，拉麵麵質適中有咬口！