影片
更多
2022-07-09
347 浏览
“初見”一間有初戀感覺名字的餐廳，就像是初次見面約會的地方。好耐之前聽過呢間餐廳名已經想黎食嘢，終於都有機會黎食喇。“初見”係一間比較平民化嘅日式餐廳，一入門就覺得樓底好高，感覺簡約舒服。近門口位置有個Bar枱，壽司吧同水吧位置上面有個裝滿日本清酒嘅架，天花有樹枝做裝飾，最入corner 有幅假葉牆啱打咭用。呢度最出名就係”初見香草吉列牛” ，當然要試下。另外，我地叫咗”野菜豆腐鍋”同三文魚刺身。“初見香草吉列牛” - 石燒牛，客人可喺石火爐上因應自己喜歡的生熟程度將牛燒熟。呢度用上優質澳洲或美國牛小排，配上流心蛋同日本珍珠飯，份量十足。厚切牛塊用香草包住，肉質香嫩多汁，只需煎到半熟就已經有外脆內嫩嘅效果。“野菜豆腐鍋” - 好豐富的野菜鍋，再加錢轉配礸岐烏冬，個人好喜歡。材料新鮮，用咗日本椰菜同豆腐，再加上鮮冬菇、金菇、蒟蒻、芋絲，只需幾分鐘，成個鍋已經好清甜。本臭想食埋壽司，但怕食唔晒，所以最後只係叫咗碟三文魚刺身試下。刺身大塊厚切，一啲都唔吝嗇。顔色尚算鮮豔，位置應該係魚腩附近，食落有微微嘅油脂味。$45/4塊，抵食。整體服務同食物質素都不俗，價錢唔貴。呢度食物款式好多，吉列牛同
“初見”係一間比較平民化嘅日式餐廳，一入門就覺得樓底好高，感覺簡約舒服。近門口位置有個Bar枱，壽司吧同水吧位置上面有個裝滿日本清酒嘅架，天花有樹枝做裝飾，最入corner 有幅假葉牆啱打咭用。
呢度最出名就係”初見香草吉列牛” ，當然要試下。另外，我地叫咗”野菜豆腐鍋”同三文魚刺身。
“初見香草吉列牛” - 石燒牛，客人可喺石火爐上因應自己喜歡的生熟程度將牛燒熟。呢度用上優質澳洲或美國牛小排，配上流心蛋同日本珍珠飯，份量十足。厚切牛塊用香草包住，肉質香嫩多汁，只需煎到半熟就已經有外脆內嫩嘅效果。
“野菜豆腐鍋” - 好豐富的野菜鍋，再加錢轉配礸岐烏冬，個人好喜歡。材料新鮮，用咗日本椰菜同豆腐，再加上鮮冬菇、金菇、蒟蒻、芋絲，只需幾分鐘，成個鍋已經好清甜。
本臭想食埋壽司，但怕食唔晒，所以最後只係叫咗碟三文魚刺身試下。刺身大塊厚切，一啲都唔吝嗇。顔色尚算鮮豔，位置應該係魚腩附近，食落有微微嘅油脂味。$45/4塊，抵食。
整體服務同食物質素都不俗，價錢唔貴。呢度食物款式好多，吉列牛同不同嘅鍋類，仲有拉麵同burger。下次再黎要試埋佢嘅壽司同大板燒風味burger先得。
4 浏览
0 赞好
0 留言
张贴
