雲南啊老表黑山羊湯鍋米綫 (上海街)

营业中

休息中

經過佐敦成日都見到呢間出名食黑山羊肉米線嘅小店，終於有機會試試。細碗羊肉清湯米線$50細碗都超級大碗，一定夠飽。唔好以為夏天食呢個好似好重口味好膩，其實呢個羊肉清湯米線飲入口好清爽，淡淡嘅羊肉羶香，加上青蔥粒、豬油渣嘅香，米線好順口。羊肉亦有好多件，煮得軟淋，肥瘦適中。水餃$33有韮菜同白菜兩隻味，我哋就揀咗韮菜，有10隻，好抵食。韮菜夠多，幾惹味，再點上陳醋食，愈食愈開胃。四川麻辣雞翼$22雞翼就冇咩特別，正正常常，唔係幾食到麻辣味。飲品方面，我哋揀咗茶蜜，食完羊肉滋潤返下。