韓樂 (新都城中心三期)

营业中

休息中

疫市之下不斷擴充嘅餐飲集團，來到新都城中心一連開了三間不同嘅餐廳，呢間韓樂望落去裝修都好有氣派。因為係平日嘅關係，餐廳唔多人，靜靜地坐得好舒服。望下個餐牌，價錢都唔貴，叫左兩個唔同嘅扒餐試下。呢個係香煎豬扒配餐肉、鮮奶炒滑蛋同蒜香牛油多士。望落去賣相都幾吸引，豬扒同餐肉都煎得幾香口，炒滑蛋都唔錯，件多士就唔多夠蒜蓉，個餐還配了啲沙律菜，值得一讚！呢個係香草雞扒配煙肉、鮮奶炒滑蛋同蒜香牛油多士。呢個餐賣相都同樣吸引，雞扒同煙肉都煎得幾好，個餐仲多咗條腸仔添！呢份多士就夠哂蒜蓉喇，當堂唔同哂！餐茶叫咗杯特濃即磨咖啡，咖啡都幾有香味，好飲！整體都唔錯，平靚正，不過似乎太多肉，食完都幾滯下。