影片
更多
2020-11-22
94 浏览
有一種菜式甚少接觸，就係印度菜，極其量只會喺自助餐時拎少少咖喱食。應要求搵一間印度菜店，其實都唔知邊間先正宗，見天后（大坑有分店）呢間店名寫明「正宗印度餐廳及酒吧」，就即管試吓。點餐後餐廳會送上免費餐前小食，係薄脆餅配唔同醬料，見到就諗起電影孤男寡女（如果同我一樣睇左無數次就會明😄）。逐少搣落嚟點醬食，四款醬真身係咩唔敢肯定，只覺得綠色好有香草味，橙色應該係咖喱但幾辣，啡色就甜甜地，邊傾偈邊醫吓口痕的確唔錯。前菜選咗咖喱角，有兩種口味可以選：雜菜同羊肉，因為怕會太膩，就點雜菜（$38）。大大隻咖喱角上枱非常熱辣辣，外皮鬆脆，裡面有洋蔥、青豆、薯蓉等，幾惹味，食一隻都飽飽地。另一款前菜係香辣薯仔沙律（$42），賣相同圖片差好遠，一碟分量幾多，材料有薯粒、青瓜、洋蔥等，薯仔少少粉，味道都唔錯，帶微辣，但有少少我唔喜歡的薄荷味，青瓜同洋蔥就有種refresh作用。印度菜必食的咖喱有好多種選擇，我哋選咗masala（瑪沙拉白腰果汁咖喱），配雞肉（$98）。masala用左好多種香料配乳酪製成，咖喱味香濃順喉，唔會好辣，一般人都會接受到。雞肉大件冇骨嫩滑，同咖喱真係好夾。食咖喱點可以冇naan呢
應要求搵一間印度菜店，其實都唔知邊間先正宗，見天后（大坑有分店）呢間店名寫明「正宗印度餐廳及酒吧」，就即管試吓。
點餐後餐廳會送上免費餐前小食，係薄脆餅配唔同醬料，見到就諗起電影孤男寡女（如果同我一樣睇左無數次就會明😄）。逐少搣落嚟點醬食，四款醬真身係咩唔敢肯定，只覺得綠色好有香草味，橙色應該係咖喱但幾辣，啡色就甜甜地，邊傾偈邊醫吓口痕的確唔錯。
前菜選咗咖喱角，有兩種口味可以選：雜菜同羊肉，因為怕會太膩，就點雜菜（$38）。大大隻咖喱角上枱非常熱辣辣，外皮鬆脆，裡面有洋蔥、青豆、薯蓉等，幾惹味，食一隻都飽飽地。
另一款前菜係香辣薯仔沙律（$42），賣相同圖片差好遠，一碟分量幾多，材料有薯粒、青瓜、洋蔥等，薯仔少少粉，味道都唔錯，帶微辣，但有少少我唔喜歡的薄荷味，青瓜同洋蔥就有種refresh作用。
印度菜必食的咖喱有好多種選擇，我哋選咗masala（瑪沙拉白腰果汁咖喱），配雞肉（$98）。masala用左好多種香料配乳酪製成，咖喱味香濃順喉，唔會好辣，一般人都會接受到。雞肉大件冇骨嫩滑，同咖喱真係好夾。
食咖喱點可以冇naan呢？naan都有十幾種口味，想惹味啲就要左蒜蓉烤餅（$28）。四塊超大件naan用吊架吊住，可以避免餅底濕咗變腍影響口感。naan非常煙韌，但蒜蓉味好淡，還好加左芫荽碎，有返一點香氣，配返濃味的咖喱亦恰到好處。只係一來太大塊，二來咖喱汁唔多夠，所以食到後段已經無汁可點，有點可惜。
飲品就參考人哋飲Mango lassi（$48），係印度地道飲品，lassi一般用牛奶加乳酪同糖製成，有點似smoothie，一來消暑，二來解辣，加入芒果，香甜微酸易入口。
雖然食完成餐都唔知係咪最正宗，但總算開了眼界，係唔錯的體驗。
张贴
