利苑酒家 (北海中心)

营业中

休息中

傳統老牌酒家 ，老火湯傳統小菜不嬲都出名， 所以好放心嚟晚飯，估唔到比預期更出色。今晚又嚟食飯叫咗兩個小菜， 清清淡淡， 健健康康 ，見到鹽香蔥油農場雞仲以為係蒸雞，點知送到嗰陣時原來係好似炸子雞咁嘅樣，但係又好食過炸子雞好多，肉味鮮嫩香口 ，真係一個好出色嘅粵菜，食到舐舐脷，唔夠喉嘅感覺，係有啲意外嘅驚喜。🥳🥳另外一個係蝦乾椰菜，都係炒得非常香口 ，蝦乾唔多，但係就好新鮮好鮮味，椰菜同粉絲嘅配搭更加係剛剛好，用煲仔上，食到最後都係滾熱辣。 白飯都好出色，鬆軟香滑，明顯係用靚米煮。一餐好似樣嘅晚飯就應該咁樣，食嘢好簡單 ，兩餸一飯，幸福感覺。