麵館皇

营业中

休息中

今日黎到銅鑼灣搵食，又想食湯面，見到呢間麵館皇，一於入去試下餐廳環境都似小店經營，地方唔算大，但係都坐得幾舒服，店員既服務都好好餐牌有唔同既湯面揀，另外仲有雲吞食，仲有新推出既拌面首先我地揀左花鵰醉雞刀削面，刀削面煮得岩岩好，Q彈有勁，係藥饍湯同埋用鐵鍋上，所以好香好熱醉雞另外分碟上，雞肉肉質鮮嫩，味道特別香，醉雞的醬汁好入味另外我地仲叫左雙拼雲吞，揀左酸辣湯底，呢到既雲吞比較似水餃咁大大粒，大白菜小棠菜雲吞，餡料新鮮，咬落去有肉汁，加埋菜比較有咬口，個口感幾豐富，食落去好舒服，完全唔會油膩，粟米雲吞就有好多粟米，食落就比較普通，不過都好食，酸辣湯，就好有驚喜，首先個湯底唔稀，酸味和辣味平衡得非常好，裡面仲有豆腐等唔同既配料，口感層次豐富，掛埋係雲吞上面好夾最後，我地仲叫左個小食麻辣豬耳，豬耳脆口，辣味十足，而且份量好多，好抵食總括來講，呢到既每一道菜都好美味，食材新鮮，味道正宗。而且價位合理，係銅鑼灣不失為一個好選擇