呢度都幾方便，喺希慎嗰邊地鐵站行過黎5分鐘唔洗就到～
地方唔大，細細間咁，坐得幾舒服，而且店既其中一面有大玻璃，望到街景，感覺好開揚。
水同調味料就放喺自助枱度。
呢度叫得咖啡熱，就應該有靚咖啡飲啦～
果然有部靚咖啡機喺度
呢度手沖出名，而且店員兼咖啡師有同我地作好詳細嘅介紹～
手沖係可以原汁原味咁飲到D咖啡豆既香味，嗰晚飲嘅係埃塞俄比亞嘅豆，
一開始會飲到檸檬香同少少酸味，after taste 會有D白桃味。
溫度降低後苦味會少左同香甜D，凍左就會有清爽嘅味道。
1
唔止手沖好飲，espresso都好好飲！
叫左杯piccolo飲，咖啡味夠濃，唔苦，咁細杯奶出黎個花都好靚，又飲得又睇得
2
另外兩位朋友叫左唔係咖啡嘅飲品，都好飲。
個 peach soda 唔會好甜嘅同時桃味又足夠；個朱古力亦都唔會太甜。
1
終於黎到主菜～
重點要推介呢個牛，因為真係好好味！！！
呢個牛嘅部位係橫膈膜旁邊嘅肉黎，喺出面好少地方有得食，加上處理工序繁複，更加少地方想供應
雖然係橫膈膜附近嘅肉，不過放心，D肉唔會韌，而且牛味非常濃，未食過嘅真係要試下。
呢度用左漫煮嘅方法處理，肉汁好夠，肉夠冧，而且牛味好濃同好香，真係好好食
2
呢個慢煮春雞醃左兩日，又係功夫野，慢煮完之後再用氣炸鍋整。
果然做到外脆內軟，鎖住肉汁，而且雞肉好嫰滑，真係好好食！！
個米形意粉好搞笑，口感幾得意。佢同意大利飯嘅分別係佢無咁硬同埋會索得多D汁。
2
再黎多碟慢煮嘅野食～
呢個手撕豬都係好食，慢煮呢D功夫野好少死錯人，黎呢度食就啱喇
個豬好入味同冧，連埋個溫泉蛋撈埋食，好正
2
最後叫左個青醬意粉，係小編嘅至愛。
好香青醬味，唔會太油，個意粉好彈牙又掛汁，好正！
食完亦都冇口乾，靚野黎
2
比 menu 大家參考，小編推介慢煮嘅菜式～
