1
用qr code落單方便快捷，食物價錢一啲都唔貴，非常合理！
1
羅宋湯、沙律~羅宋湯非常足料！口味唔會太酸或太辣，啱曬我胃口！沙律菜非常脆口！絕對係新鮮嘅象徵！
蒜香雞翼~應該係即叫即炸，外脆內嫰，釋放出濃烈嘅蒜香，熱辣辣！非常好食！
鮮蜆白酒煙肉蒜香天使麵~天使麵唔會過淋，蜆嘅份量亦都比想像多，完全散發出海鮮應有嘅鮮味，整個意粉都非常夠味！
2
南瓜野菌皇烤雞意大利飯~用上非常香濃嘅南瓜蓉同汁料去煮，相比起意粉會比較濃味，配搭烤雞,味道非常突出，份量亦都非常大！真係好抵食！
1
由於朋友上次嚟過食嘢，有keep到優惠嘅飛尾，今次竟然可以當廿蚊使用，真心抵呀！80蚊減10蚊，150蚊減20蚊，正常一個晚餐都會用得著！門檻極低👍🏻
不得不提，侍應嘅服務態度非常好！每次奉上餐點或收走餐具亦都非常有禮，感覺非常良好！
