友和日本料理

今日放左工之後同同事去左灣仔食宵夜.....因為今日公司canteen 唔好食, 大家都想食返D好野. 所以7個同事一行去左友和. 

太餓啦..去到咩都點黎食. 點完之後好快就黎啦

三文魚sashimi - 好肥美, 好厚身喎! 正

1

三文魚刺身:love:

池魚sashimi - 好新鮮, 爽口. 大家好似3日冇食野咁係咁搶黎食. 

池魚刺身

螢光魷魚漬物 - 有人會覺得好味...但好多人都會覺得好咸. 個人認為好鮮甜.其實我地想食芥辣八爪魚. 但係佢地冇

螢光魷魚漬物

鵝肝手卷- 麻麻地.....因為我叫個時一心一意諗佢係煎左熱熱好, 入口溶溶地個隻. 點知度黎到係......:(凍冰冰既. 一啲都唔好食. 好失望, 6 個人點6 個都好似我咁諗. =.=!!!

鵝肝手卷:dislike:

鮑魚蟹膏炒飯 - 7 個人食一碗野..其實我地叫左太多野食, 驚食唔晒. 點知當我地一人一羹放入口. 大家都叫左出黎話叫多一碗. 因為實在太好味啦. 細心既師傅切到啲紅蘿蔔同菜好細好細先炒. 上面有隻半熟蛋,撈埋一齊. Oshi~~~

鮑魚蟹膏炒飯:like:

蒜片炒雞腎 - 一本本都係凍凍地既

蒜片炒雞腎

天婦羅  - 凍晒

1

天婦羅:dislike:

牛肉煱 - 全晚最熱既野食,牛好味不過個湯太甜. 

牛肉煱

我地仲叫左好多一串串燒都OK 可以冇咩特別囉. 一陣風咁就食晒啲野, 大家都太餓啦.

我地去個時都冇咩人, 但好多野食黎丁都係凍冰冰, 好似一早整定咁. 可能天氣凍左啦(咁諗我會舒服啲). 到之前發現過兩間有新開既日本野食都開到2點. 下次去試下先.