1. 牛腩小鍋米線（加配料：豬頸肉 + 豬軟骨） 牛腩超！級！入味！又腍又大塊，完全唔使咬兩啖就化晒，湯底係佢哋招牌清湯，飲落好清甜有牛味（唔似某啲店飲落只係味精水）。
豬頸肉薄切得啱啱好，咬落有嚼勁又唔鞋，豬軟骨就軟淋淋超正！米線係雲南粗身嗰款，夠煙韌，吸晒湯汁，食到成個碗見底。
2. 自選小鍋米線（麻酸辣湯底） 配料：豬大腸、肥牛、魚腐 呢個麻酸辣湯底真係好重口味！麻度同酸度都好夠，辣度就中上（我中辣已經流鼻水😂），但係成個湯底好香，有陣花椒+酸菜+辣椒油嘅複合香。
豬大腸洗得超乾淨，完全無怪味，又肥又入味；肥牛一落鍋即刻變灰色，夠嫩；魚腐就超彈牙，吸晒麻辣湯汁，超邪惡！整體配料份量多到誇張。
3. 涼拌墨魚頭 呢個係我朋友推介！墨魚頭切條好厚肉，拌咗蒜蓉+辣椒+香菜+花生碎，辣度剛好開胃，墨魚超鮮甜彈牙，冰凍食超正！下次一定再叫。
總結： 已經食到超飽，性價比真係無得頂！尖東呢間環境又靚，服務員態度好好唯一缺點係人多要等位
