泰和堂涼茶店

营业中

休息中

同朋友食完delifrance行左幾個鐘街都仲頂肚，之但係我地例牌都會食埋糖水先散band。入到鋪頭，4個人坐低諗左陣終於決定好食咩，於是叫阿姐埋黎。朋友A先落order，叫左燉奶同茶葉蛋。正當我地其餘3個想出聲既時候，阿姐一支箭就標走左。我地個個都O左咀，不過算啦，或者阿姐有事做唔得閒理我地。點知原來阿姐係去拎野食俾朋友A。之後我同朋友B係佢埋黎就即刻話要腐竹薏米水同椰汁芒果紫米露。正當朋友D想出聲既時候，阿姐又係飛跑去拎糖水俾我地。最後，當然係4個人要分3次先點曬我地要想既野。haha，唔知係咪因為鋪頭無咩客，阿姐太無聊，無野搵野做呢?講完服務，都係講返我杯腐竹薏米水先。唔知係咪無咩人叫呢個糖水，所以我覺得成杯野都係拼湊出黎，腐竹還腐竹，而且似係用水浸到佢稔，或者用熱水拖一拖，因為完全係無煲過。另外，薏米亦都還薏米，再加上一個得甜味既奶白色糖漿。下次黎呢度都係叫返個正常多人叫既甜品好d。另外，朋友話茶葉蛋都幾okay。