蘇記

营业中

休息中

呢日又黎熟食中心食早餐，見到「蘇記」今日少d人，甘就食呢間啦!雖然今日人少d，但仍然係要搭枱。呢日好想食公仔麵。叫左個「生滾公仔麵 (轉一丁)」同「凍奶茶」一向對公仔麵有要求，事關自己o係屋企煮公仔麵，係要過冷河同埋個放湯係另外再煲水，唔會用煲公仔麵d水當湯果隻。呢個麵，都尚算彈牙，而個生滾牛肉湯底，雖然係加味粉，但亦有牛肉肉汁味，我都忍唔住飲左幾啖 (平時係唔會飲)。牛肉切得唔算好細緻，上枱時呈半生熟，而湯底因為係生滾，所以如果不喜半生熟牛，仲係可以用d湯黎整熟d牛肉。牛肉味濃，不造作，有質感。呢個麵同「桂林辣椒醬」出奇地夾。「凍奶茶」，奶茶真的不錯，相信如果「熱奶茶」無冰塊會更原汁原味，下次要飲「熱」。侍應好好禮貌，食得幾舒服的一餐。