淘園火鍋館

营业中

休息中

天氣轉凍，真係冇辦法唔去打邊爐，今次呢一間打邊爐係由屋企人提出一定要去試，就即管試吓係咪真係咁好食啦！冬天要滋補就揀咗一個花膠雞湯底。湯底好鮮味，有紅棗同埋杞子加上大蔥一齊去煲，當然唔少得有大量雞件同埋花膠啦。手切肥牛係每次必點嘅，最鍾意就係本地手切肥牛嘅鮮味。呢碟咁大碟都係賣緊百幾蚊咋，輕輕滾一滾就已經食得，牛味超濃！仲叫咗一個韭菜雲吞，皮薄餡靚，韭菜夠晒香醬料可以任添之外，仲對於佢嘅芝士牛丸特別深刻！雖然需要耐少少時間去滾一滾，但係一咬開見到芝士爆晒出嚟，真係好感動喎！第二間舖頭好少見既菜式！