LAB EAT Restaurant & Bar (金巴利道)

营业中

休息中

又到聖誕，又到聖誕！一年容易又聖誕，記得上年今日去咗旅行無喺香港度過。今年就約埋朋友食返餐好。呢度之前食過，質素唔錯所以再ＥＮＣＯＲＥ。前菜先食個海膽蒜容多士，脆口多士配上鮮甜多士真係無得彈，大大片嘅海膽質幼滑，咬落奶香甜味徘徊係口腔中十分滋味。煙燻法國鵪鶉脾配檸檬蒜鹽。估唔到鵪鶉脾都幾大隻，食落乾身又啖啖肉。煙燻後風味十足，再配上些許檸檬鹽減低油脂味道，令到入口肉味更突出。前菜過後，黎個龍蝦湯轉換口味。龍蝦湯非常濃郁，入口咸香又鮮味。可惜係熬煮得過咗少少火，有啲啲焦味同有少量蝦殼，否則就真係完美唞，哈哈。意大利西西里島蕃茄醬意粉。意粉配上熟成蕃茄及即磨芝士，即時令味道層次變得豐富。意粉質地啱好有咬口之中點香甜，簡單嘅配搭令平凡意粉變得清爽，一洗羊鞍嘅油膩感，好味。炭燒澳洲自然放牧BB羊鞍。羊鞍入口一啲都唔羶，肉質五成熟咬落啱啱好又唔韌。少少嘅芥末帶出些許辣味，再配埋紅酒令肉味更香甜。最後係抺茶芝士餅，軟硬適中又唔太甜。作為飯後甜品刪剛剛好。配餐兩杯KESSLER RIESLING同埋 MARQUES DE RISCAL，味道清爽帶花香，無論羊肉還是意粉鵪鶉脾都十分配搭。必點。