影片
更多
2011-12-19
1966 浏览
正所謂＂冬大過年＂！難得一家人聚頭，加上姨丈姨媽從加拿大回港過聖誕渡歲，實在唔忍心要媽子一個人下廚，又買又煮又洗，功夫繁重得很；於是，我地敲定出外好好食番餐，而地點就選好寶湖！ 因為早已訂檯，所以不用等位！晚飯時間7:30，甫進入去見到人氣旺盛，全場爆滿，相信很多家庭都好似我地咁，提早＂做冬＂！ 咕嚕肉個汁調較得幾好，酸酸甜甜好醒胃！ 配料有菠蘿、青椒；至於Ｄ咕嚕肉，每舊size大小適中，差唔多舊舊都係肉而冇肥膏或骨，讓客人可以一啖食落肚，非常好！ 生炒糯米飯上有蛋絲、蔥花、芫茜，Ｄ飯炒得乾身唔油膩，仲有好多臘腸添！ 荔芋鴨初時仲以為係中式的荔芋鴨煲，原來係香煎小菜一種！佢用川椒雞的葉作底，上有煎香皮脆的的荔芋鴨盒，味道像素菜館的芋頭魚般，點埋附上的蜆介，唔錯！ 脆皮煎豆腐一舊舊切得不規則的豆腐，驟眼看似拔絲地瓜的地瓜或薯角，附有一碟潮式鹵鵝片所點的汁（我不知那種汁叫什麼名字），雖然賣相古怪一點，但無阻豆腐本身的滑溜！ 薑蔥屈桶蠔用錫紙包著，四四方方的上檯！侍應用刀子界開層錫紙，當蒸氣鑊氣散開後，登時見到幾段大蔥！稍稍撥開Ｄ蔥後，就見到主角──桶蠔啦！Ｄ蠔大大隻，冇沙而厚肉，但味道就俾
正所謂＂冬大過年＂！難得一家人聚頭，加上姨丈姨媽從加拿大回港過聖誕渡歲，實在唔忍心要媽子一個人下廚，又買又煮又洗，功夫繁重得很；於是，我地敲定出外好好食番餐，而地點就選好寶湖！ 因為早已訂檯，所以不用等位！晚飯時間7:30，甫進入去見到人氣旺盛，全場爆滿，相信很多家庭都好似我地咁，提早＂做冬＂！
咕嚕肉
個汁調較得幾好，酸酸甜甜好醒胃！ 配料有菠蘿、青椒；至於Ｄ咕嚕肉，每舊size大小適中，差唔多舊舊都係肉而冇肥膏或骨，讓客人可以一啖食落肚，非常好！
生炒糯米飯
上有蛋絲、蔥花、芫茜，Ｄ飯炒得乾身唔油膩，仲有好多臘腸添！
荔芋鴨
初時仲以為係中式的荔芋鴨煲，原來係香煎小菜一種！佢用川椒雞的葉作底，上有煎香皮脆的的荔芋鴨盒，味道像素菜館的芋頭魚般，點埋附上的蜆介，唔錯！
脆皮煎豆腐
一舊舊切得不規則的豆腐，驟眼看似拔絲地瓜的地瓜或薯角，附有一碟潮式鹵鵝片所點的汁（我不知那種汁叫什麼名字），雖然賣相古怪一點，但無阻豆腐本身的滑溜！
薑蔥屈桶蠔
用錫紙包著，四四方方的上檯！侍應用刀子界開層錫紙，當蒸氣鑊氣散開後，登時見到幾段大蔥！稍稍撥開Ｄ蔥後，就見到主角──桶蠔啦！Ｄ蠔大大隻，冇沙而厚肉，但味道就俾個濃濃的獻汁搶晒，食唔出佢嘅鮮香！
魚腐魚湯浸油麥菜
份量夠多，大大窩，仲有薑、蔥、蒜子、木耳和甘筍絲，Ｄ魚腐及油麥菜入晒味，食嘅時候感覺像媽媽親手炮製的一品窩／家常菜那樣，很窩心溫暖！
沙拉蝦
蝦碌大大隻，沙拉醬多而均勻沾滿，味道不太酸，很開胃！
蒜頭豆豉蒸豆腐帶子
好入味，蒜頭豆豉做的獻不會太鹹！豆腐很滑，跟帶子很夾，用來送飯一流！
乳鴿Ｘ２
味道不過不失，沒有特別意見！
鮮蝦南瓜酪
色澤橙而金黃，有蔥和少許洋蔥吊味，蝦夠爽口！整個南瓜酪味道較淡，但充滿著南瓜本身的清甜！
张贴