Wake Up

营业中

休息中

Weekend想去一啲人少啲嘅地方，靜靜地嘆個lunch，所以去咗科學園，搵到一間餐廳唔錯嘅餐廳，渡過一個輕鬆寧靜嘅中午，感覺好寫意。點咗兩個lunch set。餐包。是日餐湯個餐包有啲穀物粒，所以食起嚟有口感，我都幾鍾意。日餐湯係南瓜忌廉湯。手撕豚肉芝士漢堡配薯條漢堡賣相唔錯，絲絲豚肉份量都唔少，配上芝士醬同生菜，非常夾。可以揀配薯條或者沙律，我揀咗薯條，係粗直薯條。鹽煎比目魚伴香草忌廉意粉比目魚表面煎得好香，內裏肉質好鮮嫩，調味剛剛好。水牛雞翼另外追加咗個小食，有三隻雞翼，被酸酸甜甜嘅醬汁包裹住，味道ok。餐茶點咗檸檬水同果茶呢度環境非常舒適，所以同朋友傾吓傾吓，都錯咗成個下午，之後再點咗咖啡同蛋糕，有個$69 Coffee+Cake Combo，都幾抵食。流心朱古力意式芝士蛋糕。鮮奶咖啡呢款蛋糕結合咗我最愛嘅朱古力同tiramisu ，中間流心狀態，整體味道都好濃郁。鮮奶咖啡味道酸酸地，但加咗燕麥奶平衡返，味道都唔錯。開心果芝士蛋糕。美式咖啡開心果蛋糕對我嚟講略甜，咖啡都OK，味道偏酸，個人比較推薦鮮奶咖啡。