雲桂香米線專門店

营业中

休息中

荃灣路德圍多米線就係眾所周知，有一間呢就屹立不倒好多年，就係我今日去食嘅雲貴川米線，呢間野我由中學識到而家差唔多30歲，非常多回憶。唔係好肚餓嘅關係，我今次只係叫咗豬頸肉小窩米線小辣，同埋凍豆漿，落咗單大約10分鐘就有嘢食。一想到枱見到咁多芫荽，心諗正呀，啱晒我呢啲咁重口味嘅人。食米線最緊要係個湯底，雲貴川呢度同其他米線唔同嘅地方係，佢個湯底唔係淨係得辣味同酸味，你好明顯食得出佢有一浸肉味，令到個湯底唔會好單調。再講一講豬頸肉嘅味，拍得住出邊啲東南亞餐廳，爽身有肉味，好唔錯。最後埋單45蚊，正常價