Espresso Alchemy (美麗華廣場1期)

营业中

休息中

自從有限聚令只可以二人一張枱後，都冇出過街食飯。適逢今日去美麗華商場產檢，決定又嚟呢度開餐先。因為限聚令關係，餐廳只可以坐一半人，下午三點幾都等咗一陣位。環境仍然好舒服寧靜。平日原來有set lunch，最近仲有特價，抵食！首先叫咗伯爵茶（$38），茶包好大個，濃濃茶香，絕對唔似出面咁飲幾啖就淡茂茂。蟹肉味增扁面（$123），呢個次次encore！勁多蟹肉🤤🤤意粉硬道係我最愛的Al Dente！索哂味噌汁，正到爆！仲叫埋香蒜青醬雞扒長通粉（$123），對比蟹肉扁面，呢個相對較為清淡，雞肉煮得好嫩滑兼juicy。而長通粉亦好入味。👍🏻👍🏻俾錢時發現有折扣，抵上加抵呀！