火五越式牛肉粉專門店 (其昌樓)

营业中

休息中

之前喺太子嘅時候已經嘗試呢間舖，但係佢個位置實在太吊腳，所以都會搬咗舖都係未試過。又探完病喺佐敦，又唔知食咩好，簡簡單單食粉就諗起佢。屋企人買咗兩個生熟牛肉，同埋一個香茅豬扒飯，我就自己嗌咗一個一人餐生熟牛肉湯檬加份蝦餅，同埋有杯白桃梳打，梳打有啲桃肉唔係椰果幾好。屋企有碗湯河嗰度偷咗個熟牛肉食，其實係啲牛肋條切粒，不過都幾冧嘅有牛味。跟住又攞住屋企人一塊香茅豬扒食都幾香，雖然薄身唔會太乾。我個生牛肉湯就正常發揮，個湯頭唔會太甜，個份量都幾大碗。另外個蝦餅就唔覺有蝦肉不過唔使$100一人餐，個質素完全可以接受，都好過一啲泰國餐廳嘅質素。不過始終冇食過之前舊鋪，所以冇比較冇傷害。事次用餐為自費。