KEW+

营业中

休息中

見有新餐廳開咗去試下， 打開menu 款式好多 ，相都影得好靚， 但係就冇幾多嘢吸引去想嘗試，最後就揀咗個lunch，肉眼（5成熟）肉方面都係偏熟，但係可以接受鮮奶咖啡係跟套餐，都幾好飲呢個蛋糕係另外order，聽問呢度個甜品師係日籍師傅，所以就試下， 蛋糕整體符合唔到期望， 而試完之後就會覺得唔值呢個價錢， 同埋啲忌廉唔知係咪製作嘅時候發打過量定 唔知係米唔太新鮮， 總之食落去個口咁就好實。服務方便真係唔好， 我坐嗰個位只係得啲有職級嘅人喺度行嚟行去，但唔知佢地做緊啲乜嘢， 我個主菜食完好耐放咗喺度都冇人理， 又唔知套餐個甜品係乜嘢， 最後我自己行咗出去餅櫃嗰度問嗰個女仔， 套餐甜品係食啲乜嘢， 順便揀埋件蛋糕， 我食完個甜品，疊 埋上去個主菜碟上面， 都冇人去收，最後套餐甜品上嘅時候，佢都冇位擺， 我都係叫佢求其搵個位放低啦…… 最後連套餐個甜品都食完喇…… 先至有一個員工走埋嚟幫我收碟， 我先可以同佢講，可唔可以加水。我真係從來冇未試過去一間新開嘅餐廳啲服務可以咁差。