備長

呢間餐廳真係開咗好多年，經過疫情都屹立不倒，都戥佢開心，好耐冇嚟今日再食返，感覺普通咗，唔似以前每一次嚟都好有滿足感，不過都唔係差嘅。lunch set 我哋叫咗「鐵板黑椒野菜牛舌飯」同埋「銀雪魚西京燒」。另外每人加$50要咗三串串燒（記得以前唔使加錢），串燒叫咗牛舌、豆腐、鹽燒雞翼、日本小甜薯、澳洲牛肋串，同埋汁燒帶子。鹽燒雞翼仲係以前咁好味👍🏻，但係牛舌就普通咗好多，其他串燒就正常發揮。佢哋仲會包一杯嘢飲，我哋兩個都叫咗「巨峰梳打」。