鼎尚燒鵝湯館 (已結業)

喺山頂食飯，預咗唔會用抵唔抵食去評價，所以貴唔貴唔係問題。

服務：普通，遊客區，冇笑容
環境：冇乜特別，賣懷舊，好明顯冇乜清潔，感覺衛生麻麻地。又唔係特別爆，仲要用塊膠板喺中間隔住。
食物：一句講晒，難食、難食、好難食！燒鵝鹹肥煙靭，滷水鵝肥膏多過肉，都係韌同鹹。燉湯唔係燉湯係開水湯。

人均250唔知食咗乜，鼎唔鼎爺都冇關係，淨係知道冇下次。

上到嚟山頂都係去食返西餐算。太平山餐廳貴過呢度、風景好過呢度、服務態度唔錯、嘢食不過不失。