會所1號 郵輪堤岸 (已結業)

3個月probation順利渡過，老細請食飯，太好了！
又去樓下clubone食，今次係第2次食依間，仍然覺得好好味！
今餐我係主角，當然要嗌我最鐘意食既野啦！

必點！一上檯已極速清哂！牛柳非常嫩，我連蒜片都食哂

$55

真係好「脆」，d蝦脫又多同爽口，誠意之作！仲要睇得出新鮮即炸，要攤陣先食得！

又係熱辣辣，仲ok大隻同juicy添！

略嫌炆得淋左少少，不過鮑汁勁濃，食完個口仲好膠添！

我最愛！未食已聞到好香！建議要預訂，聽同事講成日都賣哂架。

食飯對住依個咁靚既草場，真係特別開心！原來依個場係做婚宴架，唔怪得周不時見到d人1 pair pair來參觀啦

總括來講我覺得依度既點心水準好好，某d點心可能要等耐少少，因為即叫即整
環境好舒服relax，唔會好似一般酒樓又嘈又迫！
服務都算唔錯，主動加水換碟，收碟都快，
同事入左餐飲會籍仲有7折優惠，性價比好高，
如果每個月都有得來食就好啦！