樂天皇朝 (雅蘭中心)

营业中

休息中

行完旺角真係肚餓，入咗雅蘭中心樓上嘅「樂天皇朝」醫肚，呢間主打中式點心同特色小籠包，真係好有驚喜。🥟 生煎包煎得金黃香脆，外皮薄而唔油，咬開仲有肉汁流出，肉餡鮮甜又夠濃，食落好滿足。上面撒咗芝麻，香氣更加突出，係我心目中嘅Top 3！🌈 招牌八色小籠包賣相靚到唔捨得食！每隻唔同顏色代表唔同口味，有黑松露、蟹粉、芝士、麻辣等等。最鍾意黑松露，香味濃郁得嚟唔會搶戲，而麻辣味就啱晒鍾意刺激嘅朋友。🍜 酸辣湯麵一上枱就聞到陣陣香氣，湯底酸辣適中，唔會太嗆但夠開胃，材料豐富，有豆腐絲、木耳、冬菇等，麵條彈牙，食完好暖胃。🍤 楊州炒飯粒粒分明，炒得夠乾身，唔會油膩。蝦隻隻都爽口彈牙，蛋香撲鼻，配埋叉燒粒、蔥粒等，口感豐富，味道層次感強。雖然係常見炒飯，但做得好就係有水準！🍵 茶壺同茶杯set茶具好有氣氛，中式風格加啲銅色反光，好啱打卡又實用，邊食邊啖茶，真係幾寫意。🪑 環境 & 服務環境舒適唔嘈吵，枱距合理，唔會迫。店員有禮貌，送餐速度快，整體體驗良好。