青葉海鮮酒家 (新山道)

营业中

休息中

未必係同區同級最平，但係物有所值。冬瓜盅冇味精，鹽要自己加可以控制鹹度⋯ 結果我一粒鹽都冇加，因為佢啲金華火腿都已比夠鹹味。啖湯清甜到不得了，冬瓜肉又霖，又入味。一個瓜盅可以出十碗，我兩個人飲左六碗，肚都脹；剩返嗰啲唔捨得，都要打包拎走。奄仔蟹唔知道係本灣、定係菲律賓，我估係後者。四五兩重，膏多、肉質清甜，正。話梅豬手，肉滑又入味，唔係間間店都食到。豉油王炒麵濕咗啲，但係個麵喺靚貨，豉油王都夠香，下次落單試吓叫佢吹番乾身啲先炒，唔知會唔會理我？送飯後紅綠豆沙各一碗，紅豆沙好味D。餐牌寫咗陳皮紅豆沙，但係唔覺有陳皮味。餐牌冇寫綠豆沙，而佢肯定冇臭草味。