二鍋頭 (福苑)

营业中

休息中

最近很喜歡去打邊爐，這天約了好友到旺角樓上的火鍋店打邊爐。一坐底，店員就會拎醬料盤，俾我地去調配自己鍾意嘅醬汁，好方便，唔使自己行黎行去。店員會問我地想食雞煲定鴨煲，雞煲自問食得多，就試下鴨煲先。之後湯底就揀左正宗豬骨鍋，食清少少。呢張菜單可以提供好多食材選擇，另外有食物自助區去拎自己想食嘅野。呢個火焰鴨煲聞落好香，食落啲鴨肉好入味，而且份量十足，建議黎之前要留一留肚先好黎食，因為食完個鴨煲都有少少飽，哈哈。因為食完個鴨煲，店員會換另一個新煲去比我地打邊爐。呢個豬骨湯底睇落很足料，起碼見到兩條大豬骨，有粟米胡蘿蔔等等，等水滾後試左碗湯黎飲，真係好正。係菜單點嘅食材終於到了，肉類方面都幾靚，墨魚滑又好彈牙，用料新鮮。呢間店真係食得過，黎一次可以試兩個鍋，下次黎試埋個雞煲睇下得唔得先。