荳子 (海壩街)

今次過咗九點至嚟，果然唔洗點等。

座位太高

上次提到落地玻璃向街仲要高凳，令著裙唔方便的情況，今次影張相畀大家睇睇。

凍

個cream好杰身，香香哋但係冇咩奶味。咖啡底幾ok，起碼飲得出係latte。

熱

女友話好香玫瑰味，我問佢會唔會係香精，佢話應該係玫瑰糖漿嘅味。我飲咗一啖，唔難飲。

1

豪華英式全日早餐

秀珍菇同雞髀菇炒得剛好，有汁唔過火。份蛋幾大份，目測落咗兩三隻蛋，炒到半滑，有黑松露味。腸仔好重香料味。茄汁豆正常罐頭味。煙三文魚鹹而腥，但係我頂得住。蕃茄切開六小件食熱辣辣好過癮。煙肉煎香咗但極鹹。兩件窩夫水準依然，可惜呢一set冇配埋蜂蜜，單調咗啲。

1

賬單

坐正甜品櫃邊，順便影幾張相引誘吓大家。

1

1

1

我對有針筒果件東西好有興趣，可惜女友嗌飽，下次先啦！