影片
更多
2022-09-22
294 浏览
🤍二鍋頭 🖤旺角西洋菜南街138號福苑2樓📍地點位置非常方便，位於旺角中心對面。地鐵B2出口一出，行過對面轉右行一兩分鐘就到。🚶🏽♀️一入到去，餐廳員工好主動咁款待同安排座位比我地，之後仲將醬料送到我地前面比我地揀，唔駛我地拎住D醬周圍行，驚我地會唔小心倒瀉。而且員工見到我朋友著白色衫，就即時比左件小圍裙我朋友，等佢打邊爐既時侯嗰D汁唔到彈到整污糟件衫，非常細心！🐓身為辣妹既我，平時雞煲當然有咁辣食咁辣啦🌶 不過今次因為朋友唔係太食得辣，所以我地就揀左BB辣黎食。今次係我第一次食BB辣既雞煲，本身都唔抱太大期望，點知雞煲黎到既時候已經聞到好香好香既香料味，食落去更出乎意料之外地好食😋 啲雞好滑好彈，洋蔥直頭係MVP🧅，索晒雞煲既汁入晒味。份量十足，如果唔夠既仲可以任添！🍲食完雞煲之後，就輪到今次既主角打邊爐。我地今次叫左蕃茄薯仔湯底🍅🥔 我地都未食就睇得出個湯係真材實料，好多舊蕃茄同薯仔喺入面，相比其他打邊爐舖頭既蕃茄湯都濃得多。🥩牛肉同其他肉類都係用手機QR Code落單📱仲非常有效率，落左單無耐啲食物就已經去到面前。今次我地食餐牌$219嗰款，都有好多種類既肉比我地選擇。另外，仲設
🖤旺角西洋菜南街138號福苑2樓
📍地點位置非常方便，位於旺角中心對面。地鐵B2出口一出，行過對面轉右行一兩分鐘就到。
🚶🏽♀️一入到去，餐廳員工好主動咁款待同安排座位比我地，之後仲將醬料送到我地前面比我地揀，唔駛我地拎住D醬周圍行，驚我地會唔小心倒瀉。而且員工見到我朋友著白色衫，就即時比左件小圍裙我朋友，等佢打邊爐既時侯嗰D汁唔到彈到整污糟件衫，非常細心！🐓身為辣妹既我，平時雞煲當然有咁辣食咁辣啦🌶 不過今次因為朋友唔係太食得辣，所以我地就揀左BB辣黎食。今次係我第一次食BB辣既雞煲，本身都唔抱太大期望，點知雞煲黎到既時候已經聞到好香好香既香料味，食落去更出乎意料之外地好食😋 啲雞好滑好彈，洋蔥直頭係MVP🧅，索晒雞煲既汁入晒味。份量十足，如果唔夠既仲可以任添！
🍲食完雞煲之後，就輪到今次既主角打邊爐。我地今次叫左蕃茄薯仔湯底🍅🥔 我地都未食就睇得出個湯係真材實料，好多舊蕃茄同薯仔喺入面，相比其他打邊爐舖頭既蕃茄湯都濃得多。
🥩牛肉同其他肉類都係用手機QR Code落單📱仲非常有效率，落左單無耐啲食物就已經去到面前。今次我地食餐牌$219嗰款，都有好多種類既肉比我地選擇。另外，仲設有自助Bar夾蔬菜同夾丸，同雪櫃有好多款飲品揀🧃
👍🏾我地去嗰日都滿坐，環境好乾淨舒服。如果想有私人空間，仲可以預先揀卡位或者Book定間房同朋友暢談🫂 如果想留耐啲既，可以升級食貴少少300幾蚊個餐，啲牛又靚啲，仲可以無限時任食，好抵食！我臨走前仲食左大大個麵🍜，配蕃茄湯真係好好食，好食到我自己一個食晒，一D都無留比我朋友，哈哈！😜
张贴
