影片
更多
2025-02-18
165 浏览
Wingman📍中環閣麟街37-43號祥興商業大廈6樓前上司有日message搵我一齊「叫雞」，開頭仲以為係咩暗號，原來佢想約我去中環食雞翼，好彩我唔係男仔，否則睇見呢個message真係水洗都唔清！言歸正傳，原來位於中環嘅Wingman係大有來頭，除咗有20多款口味嘅雞翼供食客選擇，佢亦係全港唯一一間將雞翼先慢煮、後油炸嘅餐廳，而且精挑歐盟無激素雞製作各款雞翼，難怪可以高舉「Best Wings in Hong Kong」嘅旗幟。 💰$398Loads O’ Birds 🐓Wingman有兩大受歡迎嘅用餐方式，一、90分鐘雞翼放題；二、獨食難肥雞拼盤。個人認為前者比較適合心大心細，有選擇困難症嘅朋友，只需俾一個高啲嘅價錢，就可以喺限時內任食多20多款口味嘅雞翼，大胃王、細胃王都可以駕馭得到，自由度比較高。後者fix咗一定數量嘅雞翼，口味亦有限制，但可以唔洗趕喺90分鐘內狂食，比較適合想邊食邊傾嘅朋友仔。我同前上司無見好一陣子，見面無非要好好catch up一下，所以就揀咗sharing platter內最具人氣嘅「雞 全部都係雞」拼盤慢慢嘆。24隻雞翼，共4款口味，望住座雞翼山，真係
📍中環閣麟街37-43號祥興商業大廈6樓
前上司有日message搵我一齊「叫雞」，開頭仲以為係咩暗號，原來佢想約我去中環食雞翼，好彩我唔係男仔，否則睇見呢個message真係水洗都唔清！
言歸正傳，原來位於中環嘅Wingman係大有來頭，除咗有20多款口味嘅雞翼供食客選擇，佢亦係全港唯一一間將雞翼先慢煮、後油炸嘅餐廳，而且精挑歐盟無激素雞製作各款雞翼，難怪可以高舉「Best Wings in Hong Kong」嘅旗幟。
[價錢 Price]
💰$398
Loads O’ Birds 🐓
Wingman有兩大受歡迎嘅用餐方式，一、90分鐘雞翼放題；二、獨食難肥雞拼盤。個人認為前者比較適合心大心細，有選擇困難症嘅朋友，只需俾一個高啲嘅價錢，就可以喺限時內任食多20多款口味嘅雞翼，大胃王、細胃王都可以駕馭得到，自由度比較高。後者fix咗一定數量嘅雞翼，口味亦有限制，但可以唔洗趕喺90分鐘內狂食，比較適合想邊食邊傾嘅朋友仔。
我同前上司無見好一陣子，見面無非要好好catch up一下，所以就揀咗sharing platter內最具人氣嘅「雞 全部都係雞」拼盤慢慢嘆。24隻雞翼，共4款口味，望住座雞翼山，真係好衝擊視覺！
我哋揀咗兩款乾身、一款濕身同一款特製口味：
Mongolian BBQ 🍖
蒙古烤肉嘅調味，絕對唔少得孜然粉，Wingman為調出獨特口味，自家調配孜然粉，甚至加入四川花椒，令雞翼辣得過癮之餘，保留蒙古燒烤嘅風嘅風味。雖然餐牌上只有「一把火」表示就小辣，但我覺得佢嘅辣勁十足，建議食得辣先好試。
Ranch 🌱
四款口味中，最有驚喜嘅一定係田園風味，乾粉有sour cream同洋蔥嘅香氣，食落同平時嘅ranch sauce近乎一樣，但因為整成dry rub，所以味道更突出。
Honey Wasabi 🍯
本來以為蜂蜜芥末等同蜜糖芥末，睇真啲個英文description，先知原來係柚子、蜂蜜同wasabi嘅組合！我推薦大家將少少wasabi搽喺雞翼上，咁樣先到食到香甜嘅honey同微嗆鼻嘅wasabi，味道先唔會單一。
Salted Egg Yolk 🍳
特制嘅鹹蛋黃口味，以鹹蛋黃兩食為概念，將雞翼塗滿自家製鹹蛋黃醬，再裹上粒粒鹹蛋黃碎，炸起後格外金黃，咬落鹹蛋黃味濃香。加入鹹蛋黃碎令口感更豐富、味道更有層次。
生怕食咁多隻雞翼會好濟好膩，我哋於是揀咗較為清新嘅牛油果同到店必叫嘅薯條。
Wingman Avo 🥑
賣相精緻嘅燒牛油果伴有豉油同新鮮青檸，喺切片嘅牛油果上滴上適量青檸汁，再沾少少豉油食，果然真係有刺身口感，餐前食醒胃，餐後食解油。
Truffle Fries 🍟
薯條金黃鬆脆，即叫即炸超加分！黑松露醬散發微香，一口薯條，一口雞翼，可謂絕配！
Rose Lemon Spritzer🍹
前上司叫咗杯有汔梳打，內加入rose syrup同檸檬，聞落有玫瑰嘅芳香，飲落有檸檬嘅微酸，整體酸甜醒胃，亦適合打卡。
Mango Soda🥭
我自己就揀咗有fresh mint嘅芒果梳打，佢比一般只有甜味嘅芒果梳打更refreshing、更有層次，強烈建議叫辣味雞翼嘅大家叫般杯嚟解解辣！
呢個套餐仲包2款配菜同2杯飲品，以中環地段嚟計，都算reasonable同affordable啦。
张贴
